بسم الله الرحمن الرحيم
السلام عليكم ورحمه الله وبركاته
محشش عايز يستأجر بيت ونصحوه لانه فيه جن يخوف
بس ما سمعش كلامهم واستأجره
جاء الليل .. قام الجن و قال لزمايله هطلع اخوفه
طلع الجن و قعد جنب المحشش وقاله ممكن سيجارة ؟
بصلو المحشش وقال إتفضل .
نزل الجن عند زمايله وهو متغاظ وقالهم ما خافش ؟؟؟
رجع الجن ضرب نفسه وخلى الدم يشرشر من جلده وطلع عند المحشش وقاله ممكن سيجارة؟
بصلو المحشش وقاله إتفضل.
انجن الجن ونزل لزمايله وقالهم المره دى هموته من الرعب
قام شال عينيه ولف راسه وكسر ايدة وطلع عند المحشش وقاله ممكن سيجارة ؟
بص له المحشش وقاله إتفضل.
هنا الجن طار عقله ونزل تحت وبهدل نفسه بهدلة
وطلع العامود الفقرى وخلى جلده مشرشر وقلب عيونه وطلع عند المحشش
وقاله : ممكن سيجارة ؟
بص له المحشش وقاله:
مش ملاحظ أن التدخين عمال يدمر فى صحتك
يارب تكون عجبتكم وشكرا