مبروك يا فريق مصر
مبروك يا فريق مصر العالي ....................
......................... ياللي ولادك لعبوا وأدُّوا
جـِبت الكاس لبلدنا الغالي ........................
..................... بجوال حسني وزيزو وجدُّو
وجهود وائل جمعه وغالي .......................
...................... وعماد مِتعِب مين كان أدُّه
خلـَّىَ فِرَق أفريقيا تلالي .........................
..................... ياما قـُصادُه جوال اتخضـُّوا
أما الحضري السد العالي .......................
..................... جول كيبر مصر الأسطوره
ـــــــــــــــــــــ
مبروك ميت مليون مبروك .....................
.......................... مبروك للفرقه ولِشحاته
قِدِروا ف أنجولا يوَّروك .......................
....................... المكسب على طول بتلاته
كانـُم دايمًا بيسرُّوك .............................
......................... باللعبه الحلوه المِتشاطه
والتانجو العربي والروك ......................
...................... والباص الملعوب ببساطه
لعيبه زي المكوك .............................
................... مربوطه ف رجليها الكوره
ــــــــــــــــــــــ
قِيدُوا تمانين مليون شمعه ......................
........................... وادُّوا لكل المصريين
كِسبوا الكاس للمره السابعه ...................
................... وكانوا ع الأهوال صابرين
عقبال لمَّا المره الرابعه ........................
...................... المتتاليه نكون منتصرين
وتنول مصر الصيت والسُمْعه ...............
..................... إن ولادها ولاد شاطرين
ونشوف ليهُم صوره ولمْعَه .................
..................... ويكونوا أسماء مشهوره
ــــــــــــــــــــ
علـَّق أعلام في العربيه ......................
.................... واطلع في الشارع واسْتنـّىَ
دا الفِرقه حالا ًآهي جايـَّه ....................
.................... بالكاس اللي احنا بنتـْمنـَّىَ
خلـُّوا الجماهير العربيه ......................
.......................... تِفرح ويَّانا وتِتهـَنـَّىَ
خلـّوُنا نقضـِّي الأمْسيَّه .......................
...................... نرْقـُص ونغنـِّي لأولادنا
وان جُم في الرحله الجويَّه ..................
..................... ناخـُد ويـَّاهُم كام صوره
ـــــــــــــــــــ
زي ما قلت يوميها يا ريِّس .................
.................. عن رجالة الكوره ف مصر
إن فريق الكوره كويِّس ......................
.................... يقدر يهدي لمصر النصر
وانت كلامك صح يا ريِّس ...................
.................... أحسن فرقه ف هذا العصر
ربنا يحمي ولادنا ويحرس ...................
........................ رجليهم من شر الكسر
وشحاته يخليه ويدَرِّس .......................
..................... تفانين الكوره المسحوره
ـــــــــــــــــــ
شوفوا يا ناس أهل فلسطين .................
.................. شوفوا ازاى كانِت فرحانه
وف بيروت الناس قاعدين ..................
.................... ع القهوة وفرحتها معانا
وف سوريا والعراقيين ......................
........................... كانـُم بقلوبهم ويَّـانا
شكرا لاخواتنا الحلوين ......................
....................... واللي بَعَت لينا وهنـَّانا
ماحناش بس المُنتصرين ...................
...................... دا الأمه كلها منصوره
&& 
ام العالمى 
