اعضاء تخنق ..اداره تخنق.. منتدى يخنق..

بسم الله الرحمن الرحيم

السلام عليكم ورحمة الله وبركاته

اعضاء تخنقوا صدقوني تخنقوا طيب احكيلكم وانتوا احكموا

كل ما اجيلكم انا واصحابي واهلي الاقيكم عمالين تذكروا ربنا مقدرتش عليكم

قلت طيب افرق بينكم

لقيتكم بتتعاملوا بحاجه غريبه حاجه بتخنقني اسمها الحب في الله اساسها انكم اجتمعتوا على حبه ومش هتفترقوا الا على حبه

بردو مقدرتش افرق بينكم

قلت طيب ادخلكم وقت الصلاه فضلت انا واهلي واصحابي نقوللكم مش مهم الصلاه
وقتها ممدود كمل الموضوع ده وبعيدن صلي طيب رد على موضوعك وبعدين صلي هيّ
الصلاه هتطير ؟؟؟؟؟؟؟؟؟؟؟؟؟؟؟؟؟؟؟

ما انت ربنا امرك بعمارة الارض الاقيكم وقت ما تسمعوا الاذان تجروووووووووووووووا على الصلاه

قلت طيب سيبك خلي ماما وبابا ينادوا كمل موضوعك يبني ولا يبنتي طيب كملوا ردكم الناس هنا هتزعل ويقولوا عنكم "..................."

يقولوا لا طبعا تاخير طلب الوالدين من العقوق وده من الكبائر لا طبعا لازم الاول اشوف اهل بيتي عايزين ايه

طيب سيبك من المذاكره ولا من الشغل المنتدى اهم ده تدين دانتا كده بترضي ربنا

تقولوا ال ايه مقامك حيث اقامك وربنا عايز يشوفني دلوقتي بذاكر ولا بشتغل

بجد حجج تنرفز وتحرق دم مليون زيي.....................

مقدرتش عليكم قلت ادخل بين الشباب والبنات بصراحه خنقوني الاقي البنت ترد
على الشاب بمنتهى الاحترام والاقي الشاب يرد على البنت بمنتهى الادب
خنقتوووووووووووووووووني ايها الاعضاء

بقيت اقول انا واهلي واصحابي للبنت ايه يعني ده اخوكي في الله شجعيه وهزري معاه شويه ده رسولك عليه الصلاة والسلام بيحب الضحك

الاقي البنت تقوللي لا سيدنا محمد عليه الصلاة والسلام لو كان واقف جنبي
هيزعل لو رديت بخضوع على اخي في الله لا لازم اكون محترمه واستحق لقب بنت
النبي عليه الصلاة والسلام وحفيدة امهات المؤمنين رضوان الله عليهم

اروح للشاب الاقيه مركز اوي انه يكتب ويفيد ويستفيد اقول له يا اخي
بالراحه على نفسك انت لسه شباب طيب بص دي ردت على موضوعك ازاي اضحك معاها
شويه دي شكلها طيبه ايه المشكله لو تتعرف عليها وتشاعدها وتاخد بايدها
لطريق ربنا يا بني جمد قلبك ياللا ..........

الاقيه ال ايه يقوللي لا دي بنت حبيبي النبي عليه الصلاة والسلام وانا لا
يمكن اؤذي حبيبي عليه الصلاة والسلام في بناته ولا يمكن اصلا ازعله باي
فعل بعمله انا اعمالي كلها بتعرض عليه يا حبيبي يا رسول الله

مقدرتش عليه

قلت طيب اخليكم تنزلوا موضوعات مختلطه من غير داعي كلها ضحك ولعب الاقيكم
تقولوا لا طبعا ده منتدى اسلامي واحنا داخلين هنا نوايانا واضحه لا داخلين
نلعب ولا نهزر ممكن ده يحصل في قسم الحور بين الحور وبعضهم وبين الشباب
وبعضهم في قسم الشباب عشان احنا اصلا حياتنا كلها لله فحتى الضحك واللعب
نحب ان ربنا يرضى عنهم

مقدرتش عليكم

قلت طيب افرق بينهم وبين الاداره عشان المنتدى يفضى واخسرهم حسنات بالمره

قلت شايف/ه الاداره بتعمالك ازاي شايف/ه قوانين المنتدى رخمه ازاي

الاقيكم تقوولوا دي قوانين ربنا والاداره وضعتها عشان تحافظ علينا اصلا مش عشان تخنقنا

قلت طيب شايفين الاداره بتقرف في معاملتكم ازاي

تقولوا لا دي اداره عادله هما اصلا ميعرفوش حد فينا عشان يظلموه او ينصروه دول كلهم بيعاملوا ربنا

اقول طيب شايف الاداره متكبرين عليكم ازاي ومش راضيين يردوا عليكم

تقولوا لا اكيد عندهم عذرهم ومشغولين عننا بينا

اقول يا عم ده موضوعاتك عماله تتحذف ومشاركاتك بتتعدل انت ايه معندكش كرامه ؟؟؟؟؟؟؟؟؟

تقولوا اكيد الاداره ليها عذرها وهما خايفين عليا او ليهم هدف انا مش فاهمه

اتخننننننننننننننننننقت منكم يا اعضاء المنتدى حقيقي خنقتوني ومقدرتش
عليييييييييييييييكم خااااااااااااااااااااااالص لا أنا ولا أهلي ولا
اصحابي خنقتونا

قلنا ندخل على الاداره

لقيناها ادارة تخنق اكتر منكم يا اعضاء

جيت اشوف اقسام المنتدى لقيته كله اقسام مفيده بس اكتر قسمين حرقوا دمّي هما بتوع الشباب والبنات

ال ايه عشان الاخوات ياخدوا راحتهم والاخوه ياخدوا راحتهم

فضلت اقول للمشرفين والادارين ايه يعني بلاش تخلّف ايه المشكله لما الشباب
والبنات يكونوا مع بعض ايه لزوم انهم ينفصلوا هما يعني شايفين بعض

الاقيهم يقولوا بس الاختلاط من غيرسبب لا يجوز لانه هيعمل فتنه للقلب ودول
شباب وبنات كتير منهم لسه بيلتمسوا طريق الرحمن لازم نساعدهم بالصحبه
الصالحه في الاقسام المنفصله دي

اقول للمشرف منهم سيبك مش لازم تركز مع كل الموضوعات والمشاركات

يقوللي لا دول مسئولين مني وربنا بيحب اذا عمل احدنا عملا ان يتقنه و انا
لازم اتابع مشاركاتهم وموضوعاتهم على قد ما اقدر لان كلنا بنغلط

اقول له مهو في مشرفين غيرك ريح نفسك شويه

يقوللي لا طبعا دي امانه وبعدين انا هتسأل لوحدي يوم القيامه ولازم اعمل لليوم ده

اقول له شايف الاعضاء اللي بتدافع عنهم عاملين ازاي اهم بيرفضوا قوانين الاداره وبيعملوا حاجات كتير تسئ ليك

الاقيه بيقوللي معلش ليهم عذرهم لسه ميعرفوش القوانين كلنا بنغلط ولازم كلنا نساعد بعض

اقول له طيب بص ده مش من بلدك انصر ابن بلدك على الغريب

الاقيه يقول لا مفيش حاجه اسمها ابن بلدي كلنا مسلمين وكلنا هنتحاسب يوم القيامه سواء

وربنا حرم على نفسه الظلم يبقى انا ارضاه على نفسي لا طبعا والله ما يحصل

ييييييييييييييه وبعدين معاكم خنقتوني يا مشرفين ويا اداريين ويا اعضاء

خنقتوووووووووووووووووووونا

بجد المنتدى ده يخنننننننننننننننننننننننننننننننننق

ايه ده اااااااااااااااااااااااااااااااه انا هتحرق انا ومعظم اهلي واصحابي دلوقتي

اهه خلاص هتطلع الكلمه اللي بتحرقنا

" اعوذ بالله من الشيطان الرجيم "

اتحرقنا حرقتونا يا اعضاء المنتدى ومن قبل ما تحرقونا خنقتونا بحبكم لربكم ولسيّدكم محمد عليه الصلاة والسلام

خنقتونا وحرقتونا وبجد مقدرناش عليكم انتم العباد المخلصين يا اعضاء ويا مشرفي المنتدى

" فبعزتك لأغوينهم أجمعين إلا عبادك منهم المخلصين "

خنقتونا وكل يوم بتخنقونا وبتحرقونا وبتحسسونا بالفشل انا واعواني من الجن والانس

امضاء:
ابليس واعوانه