™!KeMoOo!™
لا إله إلا الله
. :
رقم العضوية : 1 الإنتساب : 02/02/2009 المشاركات : 4763 التقييم : 17
| موضوع: قوانين قسم الحوار!! اقرا قبل اضافة اى موضوع او رد السبت 28 فبراير - 0:40 | |
| السلام عليكم ورحمة الله وبركاته
عايزين نقول لبعض حاجات ونقاط اساسية نمشي عليها ونحطها في اعتبارنا واحنا بنتناقش
طبعا المناقشة حاجة مهمة جداا في حياتنا ومعظم ثقافتنا هيه نتيجة لمناقشتنا . . .علشان كده لازم نقدرها ونلتزم فيها بفن الحوار الراقي الي يزود من ثقافتنا...ويخلينا نخرج منها كسابنين مش خسران
اولا في اي مناقشة لازم اقدر وجهة نظر الشخص الي قدامي ...ايا كانت وجهة نظره دي
ولازم نكون واقعين احنا كل واحد فينا ناشئ في بيئة مختلفة عن التاني وتربي فيها ما لا يقل عن 18 او 20 سنة او ايا كان عمره
فلازم لما كلنا نتناقش مع بعض ...هيحصل اختلاف في الاراء ...وده الطبيعي ..ومفيهوش حاجة غريبة..ولا فيه غلط من الطرفين
هو ليه عادات وتقاليد ومبادئ واساسيات ماشي عليها ...وانا كمان ليه مبادئ وتقاليد تختلف عنه
بس الوضع هنا اننا بنتناقش علشان نوصل لحياة افضل وافكار اسمي ...ونغير في بعض للاحسن .
فلازم اقدر وجهة نظر الشخص الي بتناقش معاه ويكون الكلام بهدوء تام علشان نخرج بشئ مفيد من المناقشة دي...لان في الاول والاخر كل هدفي اني بقول وجهة نظري يمكن افيد ويمكن استفيد
تاني حاجة ....هو حسن الظن بينا ...لازم اعرف ان الي بتناقش معاه مش بيكرهني ولا عايز يطلعني غلطان ...الموضوع مش حرب الموضوع كله تبادل افكار بيزود النضج الفكري عندنا
يعني الوضع في الاول والاخر في صالحنا ...محدش خسران حاجة هنا ...كلنا بنكسب من مناقشتنا مع بعض
ثالت حاجة ...عدم الجدال والاصرار علي نفس الفكرة ولو كانت خاطئة
مش عايزين نفتح موضوع للنقاش واحنا في دماغنا الفكرة من اول الموضوع ...وعارفين اننا لازم نخرج من الموضوع بنفس الفكرة برضو
ولو غيرتها فده هيكون ضعف مني ...لا ..احنا قلنا اننا بنتناقش علشان نزود النضج الفكري عندنا ...يعني اعرض فكرتي وانتظر واتقبل الرأي الاخر
الجدال هو الي بيضعف من شخصية الفرد لانه بيظهر انه بكده تفكيره محدود وغير قابل لاي فكرة لتعديل الوضع
واحنا قلنا احنا مش في حرب احنا هنا علشان نستفيد
رابع حاجة ...ان اسلوب المناقشة يكون بطريقة تزود الود بينكم ...يعني الالفاظ والكلمات متكونش فظة ولا تضايقه وتخليه يصر علي انه لو اقتنع برأي الناس كلها استحالة يقتنع برأيك
لا لازم تكلمه بهدوء وتبدأ بنقط الاتفاق بينكم وتعرفه انك فهمت الوضع الي قصده عليه بس دي بعض التعديلات عليه
ولو حطينا اسمايل بيضحك في اخر الكلا يكون جميل قوي ...لان النقاش علي النت مش بيبان طريقة تعبيرك عاملة ازاي ...وممكن تكون بتتكلم بهدوء وهو يفتكرك مضايق منه
فالسمايل ده هيحل حاجات كتير وهتحسسه ان في تقدير منك ...وهيكون في ود بينكم ..وده هيفيدك في انه يقتنع برايك ويحاول يتغاضي عن العند في النقاش
خامس حاجة ...هيه اخلاص النية لله ...يعني تقول رايك ونيتك ان ممكن فلان يستفيد منه ...او ان ده هيصلح في شخصية فلان
انما مش نكتب الرد وتبقي نيتنا علشان يقولوا فلان قال كذا
لا ...ده هيخلينا نتمسك بالمثالية الزائفة ....وهيخلينا نعاند بعض في المناقشة وهنرفض تقبل الراي الاخر نهائيا
واعرف ان رايك ومناقشتك دي ممكن تغير حياة شخص وممكن تنور لحد طريق مش شايفه
وكلنا هنا بنتأثر بكلام بعض ...وبنتعلم من بعض ...فأحتسب الاجر عند الله ..وخلي نيتك خالصة لله في ردودك
يارب تتقبلوا النقاط دي باذن الله
ولو في اي اضافات من اي حد ...ياريت يضيفها
عن أبي هريرة رضي الله عنه ، قال : قال رسول الله صلى الله عليه وسلم : ( من حسن إسلام المرء تركه ما لا يعـنيه ) | |
|